Сентябрь 30-ге чедир өөреникчилерге «комендант шагының» үези кежээкиниң 22 шактан эртенгиниң 6 шакка чедир болур

Сентябрь 30-ге чедир өөреникчилерге «комендант шагының» үези кежээкиниң 22 шактан эртенгиниң 6 шакка чедир болур. Айтып каан үеде өөреникчилер улуг кижи чокка дараазында черлерге чоруп болбас:

кудумчуларга, ол дээрге стадионнар база спортчу шөлдер, парктар, скверлер база өске хөй-ниити черлери;
хөй-ниити транспортунга, хоорайның база хоорайлар аразында халдып турар;
интернет-кафелерге база компьютер клубтарынга;
садыг черлеринге, хөй-ниити чемненилге черлеринге база хөглээшкин черлеринге, чижээ рестораннар, кафелер.

Бо дүрүмнү сагываска ада-иезинге азы хоойлу ёзугаар төлээлекчизинге сагындырыг азы административтиг төлевир онаажып болур. А өөреникчилерни уруглар херээ талазы-биле комиссиязының учедунга тургузар.