Чагытай хөлдүң эриинде овааны дагаан

Чагытай хөлдүң эриинде овааны дагаан.

Оваа дагыыры дээрге чер-чурттуң ээлеринге, таңды-сынның ээлеринге, оран-делегейге чүдүүрүвүс болур. Ол дээрге: хат айыылы, суг айыылы, өрт айыылы дээш, аш-чут, думаа-ханаа турбазын дээш, өске-даа хай-бачыт болбазын дээш чер ээлеринге чүдүп турарывыс болур. Кааңнаашкын турбазын, тараа- быдаа саглаңнадыр өзер болзун, мал-маган көвүдезин, арат чон демниг-быжыг, чыргалын тывар болзун дээш йөрээл кылып сүзүглээнивис ол.

Ук оваа чүс чылдар дургузунда черле турган дээрзин төөгү бадыткап турар. Эртем шинчилелдеринге, хоочуннарның сактыышкыннарынга даянып тургаш, овааның эргиде турган черин тодарадып, 2018 чылдан эгелеп Таңды кожууннуң чону черинге, хөлүнге мөгейип, чемниң дээжизин отка салып, оваа дагыыр езулалды эрттирип эгелээн.

Лама башкылар ёзулалга киржип, ачы-буян, чаагай чоруктуң номун номчаан.

Ссылка на фотоальбом: https://vk.com/album-117903175_307869175