Дандар-оол Донгак Тываның улустуң башкызы

Дандар-оол Донгак – Тываның улустуң башкызы

Тываның Баштыңы Владислав Ховалыг Мөңгүн-Тайга кожууннуң өөредилге адырының хоочуну Дандар-оол Донгакка «Тываның улустуң башкызы» атты бөгүн тывыскан.



– Тыва Арат Республиканың ССРЭ-ге каттышканындан бээр 80 чыл оюнда «Тываның улустуң башкызы» хүндүлүг атты меңээ тывысканынга өөрүп тур мен.

Мугур-Аксының бир дугаар школазынга химия башкылап турган мен. 1992 чылдан тура немелде өөредилге черинде башкы ажыл-ижим уламчылавышаан хевээр мен.

Тываның педагогика институдун дооскаш, өскен-төрээн суурумнуң школазынга ажылчын намдарым эгелээн. Ниити стажым – 53 чыл.

Өөм ишти дээди эртемниг тудугжу, ол Мугур-Аксының бажың-балгадын тударынга үлүг-хуузун киирген. Дөрт ажы-төлдүг, сес уйнуктуг бис, - деп хоочун башкы бодунуң төгүүзү-биле үлешкен.