Демнигде күштүг, тепкииштигде эптиг

Демнигде күштүг, тепкииштигде эптиг

Бай-Хаак суурнуң чурттакчылары график аайы-биле өрт өжүрүкчүлеринге чем белеткеп, аппарып берип турары өөрүнчүг. Таңды кожууннуң өг-бүлеге болгаш чаштарга дуза чедирер төптүң, Бай-Хаак ортумак школазының, кожуун чагыргазының демниг коллективтери кара даң бажындан орайга чедир ажылдааш, сөөлгү ийи хонукта эки турачы өрт өжүрүкчүлерин чемгерип хүнзээннер.

Бай-Хаак школазының кыс ажылчыннары чем кылып турда, коллективтиң күштүг чартыы өрт өжүреринче эки тура-биле үнүп турарлар. Оларның аразында өрт чаа эгелеп турда-ла ажылдап эгелээш, амга чедир бодунуң үлүүн киирип турар ажылдакчылар бар.

Өрт-биле демисел чонну демнештирип турар дизе, чазыг болбас.

Тывавыстың шупту кожууннары, хоорайларындан келген эки-турачылар бо үеде тайгада өрттү өөскүтпезинче угланган ажылдарны чорудуп турар.