Тыва чогаалдың тергииннери Таңдының чогаалчыларын деткип келген.

Тыва чогаалдың тергииннери Таңдының чогаалчыларын деткип келген.

Таңды кожууннуң төөгүзүнде бир дугаар "Таңды-Уула" аттыг чечен чогаал каттыжыышкынының үндезилекчизи Оюн Сергей Тыртыковичиниң (Сергей Оюн) эгелээни болгаш сүмези-биле, кожуун чагыргазының, төп ном саңының болгаш херээженнер чөвүлелиниң организастааны ужуражылга апрель айның 26-да болуп эрткен.

Таңды кожуун чагыргазының даргазы С.С. Оюн хемчегни ажыткаш, келген аалчыларга

өөрүп четтиргенин илереткен.

Келген чогаалчылар: ТР-ниң Чогаалчылар эвилелиниң даргазы Өндүр Саяна Май-ооловна, оралакчызы Хомушку Лара Юрьевна база кежигүннери Куулар Николай Шагдыр-оолович, Кужугет Мария Амын-ооловна, Серен-Чимит Зинаида Салчаковна.

Чогаалчылар аныяктарга болгаш эгелеп чоруур бот-тывынгыр идепкейжилерге чагыг-сүмезин берип, боттарының ажылдары-биле таныштырып, төп ном саңынга элээн каш чаа парлаттынган номнарын белекке бергеннер.

Кожуунувустуң салым-чаяанныг бижикчилери Чамбал С.С., Ондар З.У., Ондар В.В. база боттарының чогаалдары-биле таныштырганнар. Сергей Тыртыкович Оюн база Найыр Ооржак (Оттук Ооржак) хемчегни бодунуң ырылары-биле каастааннар.

Бай-Хаак ортумак школазының башкылары Надежда Бакуле база Урана Дамба чогаалга сонуургалдыг өөреникчилерин ужуражылгага киириштиргени өөрүнчүг.

Ужуражылганың түңнелинде "Таңды-Уула" чечен чогаал каттыжыышкынының даргазы кылдыр бот-тывынгыр чогаалчы, шүлүкчү, композитор, режиссер Ооржак Найыр (Оттук Ооржак) соңгуткан.

Үре-түңнелдиг кады ажылдажылганың эгези салдынганынга өөрүп, кожуун чагыргазының даргазы Оюн С.С.болгаш Төлээлекчилер Хуралының даргазы Нурзат У.М. оларның четтиргенин илереткен бижиктерин чогаалчыларывыска сөңнээн.

Чогаалчылар Таңды кожууннуң төп ном саңынга суурланың ном саңнарының ажылдакчылары-биле база ужурашканнар.

Болуп эрткен хемчеглер Таңды кожуунда чарлаттынган Торээн чурт чылынга тураскааткан.