Сайзырал-ла, Таңды чуртум!

Сайзырал-ла, Таңды чуртум!
2022 чылда кара пар чылындаТаңды кожуунга элээн-не тудуглар кылдынган болгаш кылдынып эгелээни мээң сагыш-сеткилимни, болгаш таңдыжыларны өөртүп чоруур дизе чазыг чок. Кожуунда 40 ажыг чылдар иштинде эде кылдынмаан Бай-Хаак-Кызыл оруун доосканы: чолаачыларга болгаш Кызыл хоорайче албан-ажыл аайы-биле болгаш чоннуң аргыжарынга дыка эптиг апарган. Таңды кожууннуң Хадың-Аксы суурда башкыларга ийи аал чурттаар бажыңнарны, Успенка суурда клубту, Кызыл-Арыг суурда «Эзир уязын» тудуп дооскаш, келир неделяда ажылалга киирер. Оон ыңай өөрүнчүг болуушкун Бай-Хаак , Балгазын, суурларда школа тудуун эгелей берген. Дүрген суурда эге класстарның школазын немей тудуп, доозар четкен. Каш чыл болгаш школалар тудуу дооступ ажылалга кирерге, школачыларга, башкыларга таарымчалыг байдалдар тургустунуп кээр. Чоннуң шажын-чудулгезинге чүдүп тейлээринге таарымчалдыг байдалды тургустунарынга, Бай-Хаак суурда хүрээ, церковь тудуу база доозар четкен. Оон ыңай Бай-Хаак суурда загс, хөй ажыл чорудулгалыг төп ажылалга база келир чылын кирер. Бай-Хаак суурда чурттакчы чонну ажылга хаара тудар төптүң септелгезин чараштыр кылгаш дооскан.
Бо эртип турар тудугларны Таңды кожууннуң администрациязының, даргазы Монгуш А.К, ооң оралакчызы Сат Ө.С, сумуларның администрацияларының даргаларының, Улуг Хуралда депутадывыс Ховалыг Е.Ч, Тыва Республиканың Чазааның кады демниг ажылының түңнели-деп бодаар мен. Кожуунда өске ажылдар база кылдынып-ла турар боор, мен чүгле каракка көстүрп турар тудуг-биле холбашкан ажылдарны бижип турарым ол. Мээң төрээн кожуунум чаартынып тутунуп турарынга өөрээш, даргаларга четтиргенимни илередип, кел чыдар чаа чылда ажыл-ижинге чедиишкиннерни күзеп, ам-даа буруңар-ла!Показать ещё даргаларым-деп мөгейип ор мен. Сайзырал-ла, төөгүлүг Таңды чуртум!