Таңды кожууннуӊ чагыргазының болгаш суму чагыргаларының шилчип чоруп турар шаӊналы дээш бичии, элээди оолдар болгаш 18 хардан ɵрү назылыг эр улус аразынга тыва национал хүреш маргылдаазыныӊ бай-чуруму

Таңды кожууннуӊ чагыргазының болгаш суму чагыргаларының шилчип чоруп турар шаӊналы дээш бичии, элээди оолдар болгаш 18 хардан ɵрү назылыг эр улус аразынга тыва национал хүреш маргылдаазыныӊ бай-чуруму

I. Сорулгалары

- чон аразынга кадык амыдыралды суртаалдаары;

- Танды кожуунга тыва национал хурешти сайзырадыры;

- кожууннуң шыырак мɵгелерин демдеглээри болгаш оларның спортка мергежилиниң чедиишкинин бедидери;

- Танды кожууннун эр улузунун кодекизин сагыырынга идиг бээри болгаш торээн чуртунга ынакшылды кижизидери.

II. Үези болгаш болур чери

Бичии болгаш элээди база 18 хардан ѳрү назылыг эр улустуң аразынга болур «Хүрештиң» шилчип чоруур шаңналы дээш маргылдааны 2024 чылдың февраль айның 08 хүннүнде, Бай-Хаак суурнуң спортчу маргылдаалар ѳргээзинге 10.00 шакта эгелээр.

Бүрүткели 10.00 шакта. Маргылдаа 11.00 шакта озал чокка эгелээр. Бүрүткел эртпээн киржикчилерни маргылдааже киржиринче эртирбес.

2023-2024 спортчу сезонда бадылаттынган назы-хар бɵлүктерни болгаш шаӊнал фондузу

(күс-час)

Бɵлүктер Назы-хары

1. Улуг эр улус 18 хардан ɵрү

2. Элээди оолдар 2007-2006

3. Улуг бɵлүк 2008-2009

4. Ортумак бɵлүк 2010-2011

5. Бичии бɵлүк 2012-2013

6. Чаштар 2014-2015

Маргылдааныӊ болур чуруму

Маргылдааны тыва национал хүреш оюнунуӊ дүрүмнерин ёзугаар боттандырар. РОО-нуң "Тыва национал Хүреш федерациязыныӊ" маргылдааларының тургустунган планын ёзугаар чорудар.

2006 чылдың август 21-ниң, №-547 деп, Росспорттуң чарлыы-биле, ниити негелделер 4 чүүлдүң 4,9 пунктузунда көрдүнгени-биле шылгалда киржикчилериниң амы-тынын болгаш кадыын, озал-ондактыг таварылгалардан маргылдааның шупту киржикчилери камгалалдыг болур ужурлуг.