Ыры -Суг-Бажы

Ыры -Суг-Бажы

2011 чылда Таңды кожууннуң Кочетово суурга «Оюн Болдукпан» аттыг Көдээ культура бажыңынга республика чергелиг Тыва Республиканың чогаалчыларының, композиторларының араызнга, «Тыва АССР-ниң культуразының алдарлыг ажылдакчызы», Тываның ховар дээн өткүт үннүг айлаң кужу Оюн Болдукпан Дадар-оол оглунуң чырык адынга тураскаатка чогаалчыларның, композиторларның аразынга чаа чогааткан улустуң ыры «Суг-ла Бажы Кочетовум» аттыг мөөрей болуп эткен турган. Ол мөөрейге «Тыва Республиканың культуразының алдарлыг ажылдакчызы», композитор Ооржак Кара-Кат Очур-ооловичиниң бодунуң сөзүнге , аялгазын бижээн ырызы «Суг-Бажы», суурнуң аныяк өскеннеринге онза, ынак ыры болу берген. Кочетово суурнуң ККБ-да «Суг-Бажы» ансамбли, удуртукчузу Самбуу Ч.Д чонга чараш ырыны бараалгадып ырлап чорууру, кижиниң хей аъды көдүрлүп кээр. Республика чергелиг ыры мөөрейлеринге хор кылдыр ырлап чоруур кылдыр, алдарлыг композиторувустуң ырызының нотазын, сөзүн бараалгадыр-дыр мен. Кады республика иштинге хүрежип чораан акым, Ооржак Кара-Кат Очур-ооловичиге чонумнуң мурнундан чок-даа болза, ажы-төлү, уйнуктары, төргүл-төрелдери дыңнап, көрүп каар-даа чадавас дээш, аныяк өскеннерге чараш ырыны чогаадып бижээни дээш өөрүп четтиргенимни илеретпес аргам чок. Таптыг-ла, бо чылын Кочетово суур, баштайгы эрги суур ады Атамановка бо чылын 115 чылын байырлап эртирер. Суурнуң культура бажыңының ажылдакчылары республика чергелиг ооң мурнунда эртирип турган мөөрейин уламчылап эртирерлер. Алдарлыг композиторувус Ооржак К-К.О-ның ырызы хор-даа кылдыр кожууннарның ыраажылары ырлап чедип кээр боор.

Сергей Тыртыкович Оюн.