Тываның культура бажыңнары болгаш төптеринде тыва дылывыстың хүнүнге тураскааткан хемчеглер болуп эртип турар.

Тываның культура бажыңнары болгаш төптеринде тыва дылывыстың хүнүнге тураскааткан хемчеглер болуп эртип турар.

Чижээ, Каа-Хем кожууннуң Сарыг-Сеп сумузунуң «Адыш часкаашкыны» деп Чалыы уруглар театрының (ТЮЗ "Овация") артистери Орлан Дамба-Хуурактың «Тыва алфавит А-дан Я-га чедир» деп бичии чаштар шүлүүнге үндезилээн «Чаштарга Тыва алфавит» деп кичээл-көргүзүүн силерге бараалгатты.

Таңды кожууннуң Кочетово сумузунуң көдээ культура бажыңынга тыва дылга диктант болуп эрткен.

Тес-Хем кожууннуң Шуурмак сумузунуң көдээ культура бажыңынга чылдың-на эртип турар кожуун чергелиг тоол ыдыкчыларының «Шыяан ам» деп мөөрейи бо чылын онлайн хевирге эртип турар. Тыва дыл хүнүнге бо удаада кожууннуң культура бажыңының «Эткир үннер» деп бөлгүмнүң киржикчизи Чечена Дупчур «Дилги чуге кыскыл апарганыл?» деп тыва улустуң тоолун бараалгадып тур.

Ак-Довурак хоорайның уран-чүүл ордузунуң ажылдакчылары тыва дыл хүнүнге тураскаадып, дыштанылга үезинде ордуда кээп турар уругларга хостуг үезин шын, ажыктыг эртирип алыры-биле «Тыва дылым - эргим» деп өөредиглиг ажык кичээлди эртирген.