ЧОНГА КАРТОШКА

ЧОНГА – КАРТОШКА

Балгазын суурда “Идегелдиң чери” көдээ ажыл-агый бүдүрүлге кооперативи “Чонга – картошка” акцияны база катап чарлап тур. Тываның күзелдиг чурттакчылары ажыл-агыйга чеде бергеш, кыжын чиир картошказын ХАЛАС белеткеп ап болур.

7/3 деп акцияның негелдези мындыг: он шоодай картошканы савалааш, 7-зин ажыл-агыйга, а 3-үн – бодуңарга арттырып алыр силер. Шөлде катрошканы казып каан, ону чүгле шоодайлап чыыр, ол-ла. Картошка чыыр кочал биле шоодайдан боттарыңарга ап алыр силер. Таңдының картошказы эң чаагай, үрелбээн, аарыглар чок деп хөйге билдингир.

Акция-биле ажыл-агыйга чыгган картошканы ТШО киржикчилериниң хереглелинче дамчыдар. Кышкы курлавырны белеткежип, оолдарга болгаш бот-боттарывыска дузадан кадаалыңар чонум!

Акцияга киржир күзелдиг кижилер бо телефонче долгаар: 8 (933) 314-55-88! Бо дыңнадыгны таратчып бээрин диледивис!