Октябрьның 27-де 2022 чылда Балгазын ортумак школазынга эге класстар аразынга " Тыва дылга мөгейиг" деп кожуун...

чергелиг шүлүк мөөрейи болуп эрткен.
Таңды кожууннуң Бай-Хаак, Сосновка, Успенка, Владимировка, Усть- Хадың, Межегей болгаш Кочетовонун школаларының өөреникчилери идепкейлии-биле кээп киришкеннер. Ниитизи- биле 26 оореникчи киришкен.

Мөөрейни Ч.В.Донгак ажыдып, сөс ап,жюри кежигүннери : У.А.Ынаалай, Л.С.Монгуш, Ч.Ш. Ойдуп-биле таныштыргаш, дараазында тыва дыл хүнүнүң тургустунуп, бадыткаттынганының дугайында өөредиглиг кыска чугааны кылган.
Мөөрейни 3-4 класстарның өөреникчилери эгелээн. Ийиги ээлчегде 1-2 класстарның киржикчилери шүлүктерин бараалгатканнар.
Өөреникчилерниң мөөрейге шыңгыы белеткенип турганы көскү, кижи бүрүзү чараш тыва хевин кеткен. Мөөрейге бараалгадып турары тыва дылын алгап,мактаан шүлүктериниң онзагай,чаражын жюри кежигүннери демдеглээн. Бай-Хаак, Владимировка, Успенка, Кочетово, Балгазын школаларының удуртукчу тыва дыл башкыларынын уругларны эки белеткээни мөөрей үезинде коскузу-биле илереттинген
Экранда видео-көргүзүг, чугаалап турар шүлүктерни улам аян киирип, үдежип турары онзагай болган.
Түңнелинде мөөрейниң киржикчилеринге байыр чедирип, жюри кежигуннери мөөрейниң түңнелин чарлааш, тиилекчилерге болгаш белеткээн удуртукчу башкыларынга шаңнал бижиктерни тывыскан.
" Тыва дылга мөгейиг" деп кожуун чергелиг шүлүктер мөөрейи эки деңнелге эрткен.0:331:010:29