Тыва бөрттерниң онзагай хевирлери. Оваадай бөрттер

Тыва бөрттерниң онзагай хевирлери. Оваадай бөрттер

Довурзак ышкаш боорда, тейи шиштелип үнгеш, дошкаже шилчий берген, дөрт талазында дөрт дугаланчак кара хилиң кыдыгларлыг бөрт. Э.Р. Тенишевтиң Тыва-орус сөстүгүнден алырга, "оваадай" деп сөстү "корона" деп очулдурган, ынчангаш бо бөрттү коронага дөмейлээш, "оваадай" деп адаан чадавас.

Бо бөрттер XX чүс чылдың эгезинге чедир тываларга нептереңгей эвес турган, В. П. Ермолаевтиң чуруктарында ындыг бөрт кеткен чүгле чаңгыс дарга кижиниң чуруун автор эскерген. Тываның төөгүзүге хамааржыр төөгү материалдарында чаңгыс-даа оваадай бөрт дугайында медээ кирбээн. XX чүс чылдың ортаа үезинде Тыва музейниң фондузунче 3-4 бөрт дужааттынганы улус ындыг бөрттерни база кедип турганын бадыткап турар.

Алган дөзү: Ховалыг Р. Б. Тыва үндезин хеп / Р. Б. Ховалыг. - Новосибирск: Эртем: НГОПО Россияның чогаалчылар эвилели, 2018. - ар. 281.

#тыватоп #тыватөп #тывахеп #тывабөрт #традиционнаяодежда