“Ынак-тыр мен...”

“Ынак-тыр мен...”

Сөзү: Начын Чоодунуу
Аялгазы: Аяна Монгуштуу


Эжим, сеңээ ынак мен.
Чассыгларым авазы сен.
Чуртувустуң чараш-каазын чүгле сеңээ
Сөңнеп берейн!

Чонум, сеңээ ынак мен.
Челээш ышкаш чараш-тыр сен.
Четтиргеним илереттим, авай.
Ынак мен!

Чуртум, сеңээ ынак мен.
Тывам, сеңээ ынак мен.
Дамырактың шулураажын дыңнаар болгаш
Ынак мен!

Эштеримни чаяаган
Энелерге ынак мен.
Эвилелдиг хөгжүм ырның эдеринге
Ынак мен!

Хөгжүм, сеңээ ынак мен.
Хүлер ышкаш хоочун сен.
Хөөмейниң хөрүү болган хөрээмейниң
Чүрээ сен!

Эжим, сеңээ ынак мен!
Тывам, сеңээ ынак мен!