Курорт Чедер

Курорт Чедер
2026 чылдың август 8-ден 11-ге чедир курортка эмненип чыттым.Чаңгыс суурдан Оюн Аян Александрович биле кады чаңгыс өрээлге чыттывыс. Аян ооң мурнунда Тыва Республиканың Иштики херектер яамызының хөй-ниитиниң айыыл чок чоруунуң полициязынга ажылдап чорааш, хүндүлүг дыштанылгаже үнген. Дээди эртемниг полицияның хоочуну. Ооң соонда 55 дугаарлыг шериг кезээнге ажылдап эгелээн. Аян Александрович чаа-ла 45 хар ажып турар. Чечен дайынынга, Сирия, ТШО-ның киржикчизи.
Кызылда 55 дугаарлыг шериг кезээнге Аян-оол кады шериг хүлээлгезин эртирип турган Севек Буян Михайлович база ТШО-га турган. Дайын дээрге ону билир болгай бис, берге. Буян бир талазынга чартыктап аараан болду.
Эмненип чыдар улустар, чүнү кылыр боор, чалгааранчыы аажок болур.
Өртемчейде бот-боттарындан кажанда-даа чарылбас, «Ак-биле кара» кезээде кады чоруур:
- Чуртталгавыс ак биле кара деп ийи оруктан тургустунган. Кара орук чокта, кажанда-даа чуртталганың эки-багай талаларын үнелевейн баар.
-Өөрүшкү биле муңгарал. Кажан бир хүн кижи өөрүп хөглеп-даа орза, өске хүн качыгдап, муңгарап болур билиишктиннер бар дээр болгай дээш, эрткен- барган чуртталга дугайын хөөрештивис-даа.
Ындыг болуушкуннарны Буян Михайлович, Аян Александрович 3 катап дайыннарга киржип чораанын чугаалай бээрге муңгаранчыг, дыка хөй аныяк тыва оолдар маадырлыы-биле чок болуп турарлар-дыр. Ону чугаалап бижиирге-даа бистер база солун-сеткүүл, интернет-четкиден көрүп чор бис. Мен база караам-биле курортка эмненип чыткаш, дайынга кемдээн, балыглаткан оолдарны көргеш, сагыжым аарып, кээргеп-даа турдум. Олар өг-бүлелиг, ажы-төлдерлиг, курортка кады эмненип-даа турар болдулар.
Үш дугаар дайынчы тыва оглувус чанар деп турумда өрээлимге чыдып алды, Барыын-Хемчик чурттуг болду. Ат-сывын арай уттуп алдым, хөөкүйнүн дайынга балыглатканы аажок болду, 2 дугаар группаның инвалиди. Бо курортта чаңгыс эвес дыштанып, эмненип тур мен диди.
Та, чеже Тывавыста ындыг маадырларывыс ол дайынга маадырлыы-биле чок болуп база кадыынга кемдээшкиннерни хөөкүй оолдарывыс алганнар. Коргунчуг-даа, муңгаранчыг-даа-дыр. Дүрген төнер дайын болза.
Делегейниң ийиги дайынынга база-ла Украина дээш, ТАР-ка аңгы күрүне турда, 65 тыва эки турачылар амы-тынын ол чуртка салганнар. Сталин харын-даа 1944 чылда тыва эки турачыларның коргуш чок тулчуп тургаш маадырлыы-биле чок болуп туруп бээрге, Тываже өгбелеривисти чандырган болгай. Амгы үеде Тыва РФ-ның кезээнде болганда, бо айтырыг шиитпирлеттинип болбас-тыр.
Аян-оолду эжинин шулуу дайынчы эштеринге тураскааткан база маадыр уруувустун видеозун хоолгалаан
Сергей Оюн.