Тайып ужар, даянып турар

Тайып ужар, даянып турар
Херээжен кижи бүрүзү, төрүттүнген хүнүн бүгү назынында сактып чоруур. Бо видеода херээжен кижи кара-бажыңга оргаш, оглун 10 чыл иштинде бир дугаар көрүп шыдаан. Эдип чазаар албан чериниң даргалары авазынга оглу биле манавааны ужуражылга кылганнар. Оглу авазынга төрүттүнген хүнү-биле байыр чедирип келгеш, авазын дыка быжыг куспактап алгаш, кады танцылааннар. Бо чүүл сеткилге дээптер үе ужуражылга үезинде турган улустарны-даа тоомча чок арттырбаан, харын-даа албан ажылдакчылары суг авазы биле оглун 10 чылдар иштинде көрүшпээнин көргеш, чамдыктарының карактарының чаштары төктүп турганын видеода көстүп турар. Чамдыкта шак ындыг ужуражылгада кижиниң сеткилинде чаңгыс шынчы көрүш, чаңгыс куспактажыышкын болгаш үр манаан ужуражылга, кижиниң бодунга бүзүрелин эгидип бээр. Чуртталга хааглыг эжик артындан-даа төнмес. Чуртталга ында база бодунуу-биле шагда ла чоруп турар. Ол уламчылап турар, шупту чүвени катап сайгарып, частырыгларны эдип, келир чуртталгаже чаа орукту эгелээр арганы берип турар. Тыва улустуң мерген угаанында чугаалап турары: «Тайып ужар, даянып турар» дег. Кижи бурузунде бодунга идегээр, бүзүрээр эрге турар ужурлуг. Канчап-даа кээрге, эң-не караңгы хүннер эрткен-даа болза, даң бажында үнүп кээр, чоок кижилериниң ынакшылы амыдыралды арыг-силиг эгелээринге дузалаар күш бооп болур.
Шак ындыг таварылганы бо видикте көргүзүп турары ол.
Сергей Оюн