Чаңгысклассчыларым чоргааранчыг!

Чаңгысклассчыларым чоргааранчыг!
Бо чылдың июль айның эгезинде Таңды районнуң Бай-Хааак школазының 1973 чылдың доозукчулары биле кады өөренип чораан эштеримге кайгамчыг өөрүшкүлүг хүннер болган:
- Күш –ажылдың хоочуну;
-Тыва Республиканың алдарлыг ажылдакчызы;
-«Эрес-дидим күш-ажыл дээш» медальдың эдилекчизи;
-РФ-ның тус чер бодунуң хүндүлүг ажылдакчызы;
-Россия Федерациязының Төп соңгулда комиссиязының Хүндүлүг бижии;
-Каа-Хем кожууннуң Хүндүлүг хамааттызы, Куулар Галина Агбан-ооловнаның 70 харлаан байырлалын эртиргенинге кириштим.
Бүгү-россия чергелиг «Чылдың өг-бүлези» мөөрейни
Россияга мөөрейни 2016 чылдан бээр чылдың-на эрттирип турар. Ооң сорулгазы – өг-бүле амыдыралының болгаш харыысалгалыг ада-ие кижизидилгезиниң ат-алдарын нептередир болгаш бедидер. Бо мөөрейге бистиң чаңгысклассчыларывыс боза идепкейлиг киришкеннер.
Тываның Чазаанга республиканың Баштыңы Бүгү-россияның «Чылдың өг-бүлези» мөөрейниң регионалдыг чадазынга «Өг-бүле – чаңчылдарның сагыкчылары» деп бөлүкке тиилээн Дамдиннерниң өг-бүлези — Валерий Шойгарович биле Любовь Байыр-Белековна-биле ужурашкан. Ол хемчегни өг-бүле, ынакшыл болгаш шынчы чорук хүнүнге дүгжүп турар кылдыр эрттирген. Олар ам Москвага болур шак ындыг мөөрейге киржирлер.
«Ынакшыл болгаш шынчы чорук деп медаль»
Бо медаль 2008 чылдың июль 8-те тургустунган. Медальды 25 чыл болгаш оон-даа хөй өг-бүле туткан, өг-бүлениң быжыг үнелелдерин, бот-боттарынга ынакшылын болгаш шынчы чоруун көргүскен, ажы-төлүн ниитилелдиң төлептиг кежигүннери кылдыр кижизиткен өг-бүлелерге тыпсыр.
Шак ындыг медальды база чаңгысклассчым Куулар Сергей Доржатовичиге тывыскан. Ол өөнүң ишти: Инесса Даваевна Куулар биле хөй чылдарда кады чурттап, бот-боттарынга ынакшылга болгаш шынчы чорукка өг-бүлениң үндезиннериниң быжыын, кады ажылдажылга-биле чедип алган өг-бүлениң чаагай чоруу дээш, ниитилелдиң төлептиг кежигүннери апарган ажы-төлдүң кижизидилгези дээш шаңнаттылар.
1975-76 чылдар чылдыр ышкаш, Кызыл хоорайга Сергейге ужуражы берген мен. Ол чылдарда шеригден халажып келгеним ол. Чаңгысклассчылар дыка үр иштинде ужурашпаан болгаш элээн хөөрештивис. Сергейден Кызылга чүнү канчап чор сен? деп. айтарымга:шеригден база халажып келдим, хоорайда Пии-Хем чурттуг уруг биле таныжып алган кижи мен, ынчангаш ужуражып бар чыдарым ол диди.
Оон алгаш бодап орарымга 50 ажыг чылдар иштинде Сергей кады чурттап орар эжинге шынчы болуп, Таңды районнуң «Коммунизмниң херели» аттыг совхозка чолаачылап, совхозтуң сайзырадырынга улуг хуузун киирип эки ажылдап чорааш, ажы-төлдерин эки кижизидип, эртем-билигге чедирип, өглеп-баштап каан хүндүлүг ада-ие, кырган-ача, кырган-ава.
Үстүнде чүүлдерге даянып алгаш, чаңгысклассчы эштеримге чоргаарланып, өг-бүлезинге буруңгаар чүткүп, аас-кежикти, кадыкщылды, ажы-төлдериниң аразынга ам-даа бараан болуп чоруурун күзеп каар-дыр мен.Эр хейлер силер!
Сергей Оюн-Тыва Республиканың алдарлыг ажылдакчызы, Таңды кожууннуң Хүндүлүг хаматтызы.