"Тыва эки - турачы танкистер"

"Тыва эки - турачы танкистер"

Тыва эки-турачы танкистер 1943 чылдың майның 20-де Ада Чурттуң улуг дайынынче Кызыл хоорайдан баштайгы эки турачылар бооп чорааннар.
Владимир көдээ ном санынга  1-5 класстарның өөреникчилеринге «Тыва эки турачы танкистер»  деп хемчег болуп эрткен. Уруглар тыва эки турачыларның дугайында база оларның Ада Чурттуң Улуг дайынының үезинде кайгамчык эрес-дидим, патриотчу чорукту көргүскен ёзулуг маадырлар болганын билип алганнар. Оларның аразында чүгле аъттыг шериглер болгаш медиктер эвес, а фашизмни тиилеп алырынга үлүг-хуузун киирген танкы экипажтары база турган.

Хемчегниң эгезинде оларга кыска төөгүлүг справка берген, оонуун уруглар 1941 чылда Германияга Тыва Арат Республика удур дайын чарлааш, бир дугаарында ССРЭ-ни деткээнин уруглар билип алганнар. 1943 чылда баштайгы тыва эки турачылар аразында 11 танк экипажтары фронтуже аъттанган. Тыва эки-турачылар  Кызыл шеригге Украина, Молдова, Румыния, Венгрия, Чехословакия болгаш өске-даа Европа чурттарын хостаарынга киржип, тулчуп турганнар.

Тодаргайы биле оларга - бичии лейтенант, Совет Эвилелиниң Маадыры Хомушку Чургуй-оол Намгаевичиниң, ооң маадырлыг чоруунуң дугайында библиотека эргелекчизи чугаалан. Тыва танк экипажтары Корсун-Шевченко, Уман-Батоша, Кишинев-Яси, Дебрецен, Сандомир-Силезия, Прага операцияларынга киржип турганын база айыткан. Олар быжыг турушту, эрес-дидим чорукту болгаш бот-боттарын деткижип турарын көргүскеннер.

Тыва эки турачылар - танкы экипажтары боттарының республиказының болгаш бүгү чурттуң чоргааралы. Оларның маадырлыг чоруу бисти төөгүнү сактып, тайбыңны үнелеп, маадырларывыстың тураскаалынга дүүштүр чурттаарынга өөредип турар.
#Библиотеки_Танды
#Тываэкитурачытанкистер
#Владимировскийсельскийфилиал