Дургеннин чаштарнын ном санынга Тываның улустуң чогаалчызы Эдуард Баирович Мижиттиң 65 харлаан юбилейинге таварыштыр «Шулуктерим аяннары» деп шулук шагы болуп эрткен.

Дургеннин чаштарнын ном санынга Тываның улустуң чогаалчызы Эдуард Баирович Мижиттиң 65 харлаан юбилейинге таварыштыр «Шулуктерим аяннары» деп шулук шагы болуп эрткен. Ол бодунун чогаал ажылын кажан эгелээнин, база ол ышкаш домчу намдарын чаштарга ном санынын эргелечизи тайбырлап таныштырган.
Чогаал ажылын 1980 чылдан эгелээн. Ооң шүлүктери республика солуннарынга, республикадан дашкаар солуннарга, сеткүүлдерге база хөй авторлуг чыындыларга парлаттынгылаан.
Шүлүктериниң баштайгы чыындызы «Бузундулар» деп ат-биле 1992 чылда үнген. «Казыргылыг кудуктуң кыйгызы», «Бөдүүн одуруглар», «Туман өттүр отчугаштар» деп шүлүк чыындыларының, «Ѳргүл» деп шиилер номунуң дээш оон-даа ɵске номнарның автору.
Э. Б. Мижиттиң бижээн шиилери республиканың хөгжүм-шии театрының сценазынга салдынган. «Кым сен, Сүбедей-Маадыр?» деп шиизи түрк театрлар фестивалынга бирги черни ээлээн. Э. Б. Мижит дыка хɵй орус болгаш даштыкы чогаалчыларның чогаалдарын тыва дылче очулдурган, а ооң бодунуӊ чогаалдары орус, англи, француз дылдарже очулдуртунган. Эдуард Байырович тыва шүлүк чогаалының формазын улам делгемчидип, чаа-чаа хевирлерни философчу утка-биле долдуруп чаартылгаларны кылган чогаалчы. Ооӊ дыка хɵй шүлүктеринге Тываның билдингир композиторлары ырларны чогааткан. База оореникчилер шүлүктерниң аянныг номчулгазын күүсеткеннер.
# библиотеки_танды
# Дургенский_детский_филиал