ТР-ның Чазааның кылып чоруткан ажылы

ТР-ның Чазааның кылып чоруткан ажылы
2025 чылда ТР-ның Чазаа дыка хөй ажылдарны чоргусканын солун-сеткүүл, интернет -четкиден номчуп, чамдык ажылдарны карактарывыс-биле-даа көрдүвус. Чедер-четпес ажылдар черле турар, ону өөренип көргеш, келир чылын эдип ажылдаар болза ажыл оон-даа артык сайзыраар деп бодаар мен. Ынчангаш Чазактың бо чылын кылып чоруткан түңнеп ажылын чонга таныштырып, чагыг сөстерин, бодалдарын билип аары-биле эртирип турары кончуг шын деп бодаар мен. Дарга кижиниң ажылын чон үнелеп көөр болгай. Таңды кожууннуң Улустуң депутады болганымда 2024 чылда Чазактың кылып чоруткан ажылын Кочетово суурга таныштырып келген турда киришкен мен. Хуралга Чазактан төлээлеп келген даргаларга чон дыка хөй кол айтырыгларны салгаш, чагыгларын киирген турган. Чонум ол чагыгларын меңээ база киирген, кылган ажылымны болур хуралга таныштырар мен. Ынчангаш чоннун ол дилээн 2026 чылдың апрель 2-де Кочетово суурга болур хуралга Чазактан төлээлеп келген даргалар харыылап бээри-биле:
-Тыва Республиканың өөредилге яамазы;
-Транспорт болгаш орук ажыл-агыйының яамызы;
-Тыва Республиканың Спорт яамызы;
-Тыва Республиканың кадык камгалал яамызы;
-Тыва Республикада суг курлавырларының девискээр эргелели;
-Тыва Республиканың Экономика яамызы;
-Тыва Республиканың Саң-хөө яамазы
- Тыва Республиканың Чер болгаш өнчү хамаарылгаларының яамызы.
-Россияның Федералдыг үндүрүг албанының (ФНС) төлээлери биле келирин чонумнуң дилээн дамчыдып ор мен.
Таңды кожууннуң Улустуң депутады Сергей Оюн