«Таңды-Уула» чечен чогаал каттыжыышкының база бир хоочун кежигүнү Зоя Үгүжүковна Ондар бодунуң чырыкче үнүп келген номунуң байырлалын 2026 чылдың март19-та 15.

«Таңды-Уула» чечен чогаал каттыжыышкының база бир хоочун кежигүнү Зоя Үгүжүковна Ондар бодунуң чырыкче үнүп келген номунуң байырлалын 2026 чылдың март19-та 15.00 шакта Таңды кожууннуң Межегей суурнуң Көдээ культура бажыңынга эрттирер. Бодап, күзеп чораан ному парлаттынып үнүп кээрге, хоочун башкының өөрүвес аргазы чок. Номунуң байырлалын ТШО-да оглу кээрге эрттирер бодаан. Эрткен чылын Зоя Үгүжүковна бодунуң мугур харлаанын эрттирип турда, оглу оон кээп шыдавайн барган, хүлээлгезин күүседип турар кижиниң чайы чок болган. Ам канчаар дээш, база оглу чокта эрттирерин бодап алганы ол. Оглун-на хоочун башкы чедип кээрин четтикпейн манап орар.
Зоя Үгүжүковна номунда төрээн чурту болур Чыраа-Бажы сууруң школазын база аныяк үезинде Таңды кожууннуң Межегей суурга ажылдап, чурттап келгеш,чуртувустуң кайгамчыктыг черлерин, Эрзин кожууннуң чараш чурумалдыг черлерин, башкылап чораан эштерин, институтка өөренип чораан чаңгыскурсчуларының дугайында бижип турар. Оон-даа өске чогаалдар бар. Хоочун башкының кижидилгеге улуг ужур-дузалыг чогаалдары хөй.
Чечен чогаалдың байырлалынга кожуун чагыргазы, Межегей суму чагыргазы, школа, билбиотека, Көдээ культура бажыңы база төрелдери белеткенип турарлар.
Зоя Үгүжүковнаның каш-каш чылдар эртсе-даа, кады өөренип чораан чаңгыскурсчуларын, ажылдап чораан коллегаларын сактып, Эрзин хемни, Тере-Хөлдүң онза чараш черлеринге тураскааткан шүлүүн бараалгаттым.
Шынап-ла,
Өөренип эдеришкен
Өөрлерим, кайда силер?! – деп, эжиңер кыйгырып турар-дыр.
Өөрлерим, кайда силер!

Эрзин черге чурттаваан бол,
Эштерим – не ында көвей,
Эриг баарлыг, баштак, хөглуг,
Эдеришкен өөрлерим бар.

Иштивистиң ханызындан
Ижиктирген черивис бар:
Интернационал кудумчузу -
Институттуң дазылгазы.

Эрзин хемниң эриин чурттаан
Эштеримге изиг байыр!
Нарын хемде, өөрлерим,
Найыралды утпаалынар!

Борисенко, Буурулдай
Бодалымда чору силер.
Фамилиянар солуурга – даа,
Борбак башта ол- ла хевээр.

Мөрен суурда башкыларга,
Мөгеер мен, хүндулээр мен.
Улуг башкы атка четкен
Люба Карти, Галя Ондар.

Эрзин чурттуг өөрлеримче
СМС – тен октаптайн;
«Тере-Хөлче чеде бергеш,
Терең суунга эштиилиңер.»

Бижек Комбу майорувус
Бижип чораан ынакшылын
«Би чамид, хайартап» дээш,
Бирден бир чок ырлажыылы:

Төрээн Тывам кызы дег,
Төрел Моолдуң кызы сен.
Орус, моолдап чугаалап,
Онза солун чаңнаарын…
Ынакшылым оттуруп
Ырым болдун, Алимаа.

Эрзин хемнин каас – чараш
Эриин орта самнап ойнаал,
Мөрен суурнуң клувунга
Мөөрейлежип ойнап хоөлээл
Нарын хемниң сырынынга
Найыралдың ырын ырлаал,
Өөренип эдеришкен
Өөрлерим, кайда силер?!
«Таңды-Уула» чечен чогаал каттыжыышкынындан Сергей Оюн.