"Ырлажыылы".

"Ырлажыылы".
Кайгамчыктыг солун, чылыг, уттундурбас кежээ Бай-Хаак суурнуң К. Бегзи аттыг культура одаанга ноябрь 14-те болуп эртти.
Тываның ховар үннүг ыраажылары чонга аян тутпушаан, кижи бүрүзүнүң сагыш-сеткилин доюлдуруп, барык көрүкчү бүрүзүнүң ишти-хөңнүнге хөлзээшкинни оттурган.

Тыва Республиканың Улустуң артизи Станислав Ириль Стас Ириль база Тыва Республиканың Улустуң хөөмейжизи Андрей Монгуш чаа төлевилелди чогааткаш, ам боттандырып кирипкени ол болду. Дүүн Эрзин кожуунга чораанын билдивис. "Ырлажыылы"-эрткен чүс чылдың 50-60-70-80 чылдарында тыва чоннуң аразынга нептереңгей чораан ырыларны көрүкчүлер-биле деңге ырлажырынче, чоннуң хөөнүн көдүреринче уланган хемчег.
Ырыларның сөстерин улуг экранда бижип турар, оон көрүп ырлаарга эптиг-даа.
Көрүкчүлер харам чокка адыш часкап, аалчыларны салыксавайн турдулар.
Кежээниң солун кезээ төнчүлей бергенде болур деп кым-даа, хүндүлүг ыраажылар-даа, манаваан. "Тыва чуртум" деп билдингир ырыны чарлаптарга, көрүкчүлер аразындан бир кижиниң: "Бакуле чаа-ла чана берди ийин'-дээн хараадаан үнү дыңналды. Сураглыг ырының автору Александр Бакулени залда олурар кижи бүрүзү таныыр, билир. Биче сеткилдиг, көөргеттинер сеткил чогу арнындан, алдынып чоруурундан-на көскү кижи. Ыры үезинде "Таңды сынның эдээ" бөлүктүң ыраажыларының бирээзи сценаже үнүп келди, оон бичии болганда кезек када үне берген турганы ол боор, Александр Бакулени сценаже чалапты. Чоннуң ынак ырызын дөрт кижиниң күүселдези-биле катап база ырлааннар.
Чараш кежээни көрүкчүлер боттары база каастааннар. Улустуң артистеринден дудак чокка ырлааны-биле Солангы Калдар-ооловна Оюн база бир көрүкчү үргүлчүлелдиг адыш часкаашкыннарын сө тыртып алганнар.
Таңды кожуун чагыргазының даргазы Монгуш А. К. хүндүлүг чоннуң ынак артистеринге четтиргенин илереткеш, мындыг төлевилелди чаа чылда азы Шагаада катаптаарын дилээрге, көрүкчүлер чөпшээрешкенин адыш часкаашкыннары-биле илереткен.2:080:40