Балгазын суурнун ном санынга Санчы Кызыл-оол Донгаковичинин торуттунгенинден бээр 95 харлаанынга «Хорук одун чалбыышталдыр, хоомей ырым талыгырже ужуксун-на» деп...

Балгазын суурнун ном санынга Санчы Кызыл-оол Донгаковичинин торуттунгенинден бээр 95 харлаанынга «Хорук одун чалбыышталдыр, хоомей ырым талыгырже ужуксун-на» деп шулукчунун хунун эртирген. Санчы Кызыл-оол Донгакович - шүлүкчү, бот-тывынгыр композитор, сыгытчы-хөөмейжи. Кызыл-оол Донгакович бүгү талазы-биле сайзыраңгай, мерген-угаанныг салым-чаяанныг кижи чораан.Кызыл-оол Доңгаковичиниң чаш, элээди назыны кайгамчык чурумалдыг, чараш Чоза хемниң эриинге эрткен. Ол хемниң дугайында хөй-ле шүлүктер, ырлар, тоожулар чогаатынган. Чүге дизе Чоза – Тываның ховар талантылыг оолдары, Тыва чогаалдың үндезилекчилери, Тыва улустуң чогаалчылары: Виктор Көк-оолдуң, Степан Сарыг-оолдуң оон-даа билдингир чогаалчыларнын чурту. Чурумалдыг чуртунуң агаар-бойдузу, чараш-каазы бичи Кызыл-оолдуң салым-чаяаныг болуп төрүттүнеринге салдарлыг болганы чугаажок.
Кызыл-оол Доңгаковичиниң мөчээниниң соонда «Чадаганның хылдарындан» деп номун үндүрген. Ол уран чүүл ажылдакчыларын, сыгыртыр эш-өөрүн хүндүлээр, чоргаарланыыр чораан. Ооң чижээнге тыва композитор Алексей Чыргал-оолга тураскааткан «Чаянныг төл», «Сыгытчы өөрүм» деп шүлүктерни бижээн. Ооң сөстеринге аялга чогаадыыры кончуг эптиг болгаш белен. Амгы үениң аныяк композиторлары ооң мындыг шүлүктеринге аялгаларны чогааткан: Андрей Монгуш «Авайым», Саян Кара-Кат «Хөөмейжиниң ыры», Альберт Хомушку «Канчап бардың демги Шолбан?», Олег Сарыглар «Дөмейин аа», «Доруг-Дайым».
#балгазынская_библиотека
#тыва_шулук_чогаалы
#СанчыКызылоолДонгакович